فن لف الورق بأشكآل ثلاثية الابعاد

هذي خطوات بسيطه في اساسيات فن لف الورق ثلاثي الابعاد

الادوات المطلوبه :
ابرة لف الورق يمكن الاستعاظه بنكاشة اسنان
اشرطة ورق بعرض 5 ملم يمكنكم تقطيع الاوراق بانفسكم
صمغ ابيض متوفر في المكتبات
نكاشة اسنان لتغطية الاشكال بالصمغ





اول شي في الاشكال ثلاثية الابعاد الي انا اسويها غالبا استخدم اوراق عرضها 5 ملم
نبدا انجهز الشريط بالطول المطلوب لانه بتحتاجون شريط وايد طويل
نحط صمغ ابيض على طرف الشريط و نلصقه بشريط ثاني
في الصوره انا واصله 5 اشرطه مع بعض





نلف الشريط بأداة لف الورق للنهايه و نسوي دائره مغلقه





في الصوره .. لاحظو الطريقه الي ماسكه فيها الدائره المغلقه
بالسبابه نضغط شويه .. و بتشوفون انه صار عدنا نص دائره
ممكن تستخدمون تيله او كره صغيره عشان تتشكل نص الدائره .. بنفس الطريقه ممكن تسوون شكل مخروطي ..



طبعا عشان يثبت الشكل الي سويتوه بتغطونه باستخدام نكاشة الاسنان بصمغ ابيض من الداخل و تخلونه ينشف .. انا اخليه ينشف كم ساعه قبل لا استخدمه في الشكل النهائي



هذيل اجزاء جهزتهم عشان اسوي فيل
طبعا غطيت الاشكال من داخل و من برع بصمغ ابيض
من برع عشان احافظ على الشكل و عشان اعطيه صلابه اكثر و عشان اعطي الشكل لمعه
عشان جيه الناس يتحرون الاشكال الي اسويها يا بلاستك ولا خشب

بعض الاشكال ثلاثية الابعاد الي نفذتها :

ان شاء الله تكون اعمالي عجبتكم ..